УИХ-ын эмэгтэй гишүүдийн албан бус бүлэг, УИХ-ын тамгын газар, Швейцарын хөгжлийн агентлаг, Бүгд Найрамдахчуудын олон улсын хүрээлэн, Канад улсын гадаад хэргийн яам, НҮБ-ын хөгжлийн хөтөлбөрөөс хамтран зохион байгуулсан "Шийдвэр гаргах түвшинд эмэгтэйчүүдийн оролцоо" чуулган болж:

·         Улс төрийн дээд түвшинд шийдвэр гаргахад эмэгтэйчүүдийн оролцоо

·         Орон нутгийн түвшинд шийдвэр гаргахад эмэгтэйчүүдийн оролцоо

·         Эмэгтэйчүүдийг улс төрийн карьерт бэлдэх нь

·         Монголын нийгэмд эмэгтэйчүүдийн манлайлал зэрэг сэдвүүдийн хүрээнд тус бүр 3-5 илтгэл хэлэлцүүллээ. Чуулганы үр дүнд нийтэд сонордуулах "УРИАЛГА"-ыг хэлэлцэн баталлаа. Тус чууланд сум, хороо, аймаг, нийслэлийн ИТХ-уудын шилдэг манлайлагчид болох 600 гаруй төлөөлөгчид оролцлоо. Тус сумын ИТХ-ын төлөөлөгч Г.Батхуяг оролцож ирээд ИТХ-ын ээлжит бус 14 дүгээр хуралдаанд мэдээлэлээ хийв.