Сумын Иргэдийн Төлөөлөгчдийн
Хурлын 7 дах удаагийн сонгуулиар сонгогдсон Хурлын Төлөөлөгчдийн анхдугаар
хуралдаан 2016 оны 11 дүгээр сарын 04-ны өдрийн 11:50 цагт эхэлж, хуралд оролцох 21 төлөөлөгч 100 хувийн ирцтэй оролцож, хуралдааныг хамгийн ахмад настай төлөөлөгч 4 дүгээр тойргийн төлөөлөгч Г.Батсуурь нээж удирдав. ИТХ-ын төлөөлөгчдийн бүрэн эрх зөвшөөрөгдөж, "ИТХ-ын төлөөлөгчийн тангараг өргөж, энгэрийн тэмдэг, үнэмлэхээ гардан авлаа. Хуралдааны үеэр сумын ИТХ-ын ажлын албанаас шинээр сонгогдсон төлөөлөгч нарт холбогдох хууль тогтоомж, гарын авлага, ном, товхимолуудыг өгөв.
Сумын ИТХ-ын 21 төлөөлөгчөөс МАН-аас-14, АН-аас-7 төлөөлөгч сонгогдож, нийт төлөөлөгчдийн 5 эмэгтэй төлөөлөгч байна. Сумын ИТХ-ын даргаар Н.Болдбаатар сонгогдож, Сумын Засаг даргаар Л.Батцогтын нэрийг дэвшүүллээ.
Сумын ИТХ-ын тэргүүлэгчид 7 хүнээр сонгогдов. үүнд: -С.Аюушжав, -Б.Уламбаяр, Ш.Болдбаатар, Н.Болдбаатар, С.Алтанхуяг, О.Эрдэнэбат, А.Ганбат нар сонгогдож, анхдугаар хуралдаанаар хэлэлцэхээр товлосон асуудлаа амжилттай хэлэлцэж өндөрлөв.
